小米換iPhone 　名額3個算了吧！

▲ 相片來源：小米網站

小米網新媒體總監鍾雨飛日前在其微博表示，正與小米創辦人雷軍洽商以 iPhone 換小米 Note 的可行性，並徵求大家意見，更把貼文轉發予雷爺。

據悉事件引來極大負評，有人埋怨為何不搞「舊米」換「新米」，有人認為即使用天上的星星都換不到果粉對 Tim Cook 的忠誠度云云；雷爺保持緘默。

阿鍾大概知道自己「亂 UP 24」，隨即再發微博「補鑊」，表示自己拿 3 部小米 Note 交換，仲會送出少量 F 碼；叫有意者留言點解想換，寫得最合阿鍾心意的咪換俾佢囉！

阿鍾話下周三（大概是指 1 月 28 日吧？）揭曉。消息指阿鍾講多錯多，又惹來米粉指罵阿鍾玩唔起，算吧啦你！

▲ 相片來源：鍾雨飛 微博

2 月 3 日再搶小米 Note

睇翻小米 Note 行情，剛剛正式開賣，態度依舊，幾分鐘售罄，又冇公布賣了多少，疑似「吱牙膏」銷售方式錯不了。

下次開賣時間係 2 月 3 日中午 12 時，仲係搶唔到又想要小米 Note 的話，不妨認真考慮阿鍾！

畢竟阿鍾呢條「絕世好橋」都幾貼近環保潮流，建議真心向雷爺上諫，小米份屬神級「神抄王」，搞不好真係吸引唔少果粉轉會，雷爺唔係睇少自己魅力吧？

根本雷爺從未表態，係阿鍾自亂陣腳，說不定「此橋玩認真，大家都開心」呢！雷爺你開句聲啦，唔好只顧搞小米之家登陸香港，阿鍾出事鳥。

原文刊於：ezone.hk